Leviticus 12 Tamil HEBREW - தமிழ் வேதாகமம்

அட்டவணை

Original verses for லேவியராகமம் 12

וַיְדַבֵּ֥ר יְהוָ֖ה אֶל מֹשֶׁ֥ה לֵּאמֹֽר׃

דַּבֵּ֞ר אֶל בְּנֵ֤י יִשְׂרָאֵל֙לֵאמֹ֔ר אִשָּׁה֙כִּ֣י תַזְרִ֔יעַ וְיָֽלְדָ֖ה זָכָ֑ר וְטָֽמְאָה֙שִׁבְעַ֣ת יָמִ֔ים כִּימֵ֛י נִדַּ֥ת דְּוֹתָ֖הּ תִּטְמָֽא׃

וּבַיּ֖וֹם הַשְּׁמִינִ֑י יִמּ֖וֹל בְּשַׂ֥ר עָרְלָתֽוֹ׃

וּשְׁלֹשִׁ֥ים יוֹם֙וּשְׁלֹ֣שֶׁת יָמִ֔ים תֵּשֵׁ֖ב בִּדְמֵ֣י טָֽהֳרָ֑ה בְּכָל קֹ֣דֶשׁ לֹֽא תִגָּ֗ע וְאֶל הַמִּקְדָּשׁ֙לֹ֣א תָבֹ֔א עַד מְלֹ֖את יְמֵ֥י טָֽהֳרָֽהּ׃

וְאִם נְקֵבָ֣ה תֵלֵ֔ד וְטָֽמְאָ֥ה שְׁבֻעַ֖יִם כְּנִדָּתָ֑הּ וְשִׁשִּׁ֥ים יוֹם֙וְשֵׁ֣שֶׁת יָמִ֔ים תֵּשֵׁ֖ב עַל דְּמֵ֥י טָֽהֳרָֽה׃

וּבִמְלֹ֣את׀יְמֵ֣י טָֽהֳרָ֗הּ לְבֵן֮א֣וֹ לְבַת֒תָּבִ֞יא כֶּ֤בֶשׂ בֶּן שְׁנָתוֹ֙לְעֹלָ֔ה וּבֶן יוֹנָ֥ה אוֹ תֹ֖ר לְחַטָּ֑את אֶל פֶּ֥תַח אֹֽהֶל מוֹעֵ֖ד אֶל הַכֹּהֵֽן׃

וְהִקְרִיב֞וֹ לִפְנֵ֤י יְהוָה֙וְכִפֶּ֣ר עָלֶ֔יהָ וְטָֽהֲרָ֖ה מִמְּקֹ֣ר דָּמֶ֑יהָ זֹ֤את תּוֹרַת֙הַיֹּלֶ֔דֶת לַזָּכָ֖ר א֥וֹ לַנְּקֵבָֽה׃

וְאִם לֹ֨א תִמְצָ֣א יָדָהּ֮דֵּ֣י שֶׂה֒וְלָֽקְחָ֣ה שְׁתֵּֽי תֹרִ֗ים א֤וֹ שְׁנֵי֙בְּנֵ֣י יוֹנָ֔ה אֶחָ֥ד לְעֹלָ֖ה וְאֶחָ֣ד לְחַטָּ֑את וְכִפֶּ֥ר עָלֶ֛יהָ הַכֹּהֵ֖ן וְטָהֵֽרָה׃