2 Chronicles 2 Tamil HEBREW - தமிழ் வேதாகமம்

அட்டவணை

Original verses for 2 நாளாகமம் 2

וַיֹּ֣אמֶר שְׁלֹמֹ֗ה לִבְנ֥וֹת בַּ֙יִת֙לְשֵׁ֣ם יְהוָ֔ה וּבַ֖יִת לְמַלְכוּתֽוֹ׃

וַיִּסְפֹּ֨ר שְׁלֹמֹ֜ה שִׁבְעִ֥ים אֶ֙לֶף֙אִ֣ישׁ סַבָּ֔ל וּשְׁמוֹנִ֥ים אֶ֛לֶף אִ֖ישׁ חֹצֵ֣ב בָּהָ֑ר וּמְנַצְּחִ֣ים עֲלֵיהֶ֔ם שְׁלֹ֥שֶׁת אֲלָפִ֖ים וְשֵׁ֥שׁ מֵאֽוֹת׃

וַיִּשְׁלַ֣ח שְׁלֹמֹ֔ה אֶל חוּרָ֥ם מֶֽלֶךְ צֹ֖ר לֵאמֹ֑ר כַּֽאֲשֶׁ֤ר עָשִׂ֙יתָ֙עִם דָּוִ֣יד אָבִ֔י וַתִּֽשְׁלַֽח ל֣וֹ אֲרָזִ֔ים לִבְנֽוֹת ל֥וֹ בַ֖יִת לָשֶׁ֥בֶת בּֽוֹ׃

הִנֵּה֩אֲנִ֨י בֽוֹנֶה בַּ֜יִת לְשֵׁ֣ם׀יְהוָ֣ה אֱלֹהָ֗י לְהַקְדִּ֣ישׁ ל֡וֹ לְהַקְטִ֣יר לְפָנָ֣יו קְטֹֽרֶת סַמִּים֩וּמַֽעֲרֶ֨כֶת תָּמִ֤יד וְעֹלוֹת֙לַבֹּ֣קֶר וְלָעֶ֔רֶב לַשַּׁבָּתוֹת֙וְלֶ֣חֳדָשִׁ֔ים וּֽלְמוֹעֲדֵ֖י יְהוָ֣ה אֱלֹהֵ֑ינוּ לְעוֹלָ֖ם זֹ֥את עַל יִשְׂרָאֵֽל׃

וְהַבַּ֛יִת אֲשֶׁר אֲנִ֥י בוֹנֶ֖ה גָּד֑וֹל כִּֽי גָד֥וֹל אֱלֹהֵ֖ינוּ מִכָּל הָֽאֱלֹהִֽים׃

וּמִ֤י יַֽעֲצָר כֹּ֙חַ֙לִבְנֽוֹת ל֣וֹ בַ֔יִת כִּ֧י הַשָּׁמַ֛יִם וּשְׁמֵ֥י הַשָּׁמַ֖יִם לֹ֣א יְכַלְכְּלֻ֑הוּ וּמִ֤י אֲנִי֙אֲשֶׁ֣ר אֶבְנֶה לּ֣וֹ בַ֔יִת כִּ֖י אִם לְהַקְטִ֥יר לְפָנָֽיו׃

וְעַתָּ֡ה שְֽׁלַֽח לִ֣י אִישׁ חָכָ֡ם לַֽעֲשׂוֹת֩בַּזָּהָ֨ב וּבַכֶּ֜סֶף וּבַנְּחֹ֣שֶׁת וּבַבַּרְזֶ֗ל וּבָֽאַרְגְּוָן֙וְכַרְמִ֣יל וּתְכֵ֔לֶת וְיֹדֵ֖עַ לְפַתֵּ֣חַ פִּתּוּחִ֑ים עִם הַֽחֲכָמִ֗ים אֲשֶׁ֤ר עִמִּי֙בִּֽיהוּדָ֣ה וּבִירֽוּשָׁלִַ֔ם אֲשֶׁ֥ר הֵכִ֖ין דָּוִ֥יד אָבִֽי׃

וּֽשְׁלַֽח לִי֩עֲצֵ֨י אֲרָזִ֜ים בְּרוֹשִׁ֣ים וְאַלְגּוּמִּים֮מֵֽהַלְּבָנוֹן֒כִּ֚י אֲנִ֣י יָדַ֔עְתִּי אֲשֶׁ֤ר עֲבָדֶ֙יךָ֙יֽוֹדְעִ֔ים לִכְר֖וֹת עֲצֵ֣י לְבָנ֑וֹן וְהִנֵּ֥ה עֲבָדַ֖י עִם עֲבָדֶֽיךָ׃

וּלְהָכִ֥ין לִ֛י עֵצִ֖ים לָרֹ֑ב כִּ֥י הַבַּ֛יִת אֲשֶׁר אֲנִ֥י בוֹנֶ֖ה גָּד֥וֹל וְהַפְלֵֽא׃

וְהִנֵּ֣ה לַֽחֹטְבִ֣ים לְֽכֹרְתֵ֣י הָֽעֵצִ֡ים נָתַתִּי֩חִטִּ֨ים׀מַכּ֜וֹת לַֽעֲבָדֶ֗יךָ כֹּרִים֙עֶשְׂרִ֣ים אֶ֔לֶף וּשְׂעֹרִ֕ים כֹּרִ֖ים עֶשְׂרִ֣ים אָ֑לֶף וְיַ֗יִן בַּתִּים֙עֶשְׂרִ֣ים אֶ֔לֶף וְשֶׁ֕מֶן בַּתִּ֖ים עֶשְׂרִ֥ים אָֽלֶף׃

וַיֹּ֨אמֶר חוּרָ֤ם מֶֽלֶךְ צֹר֙בִּכְתָ֔ב וַיִּשְׁלַ֖ח אֶל שְׁלֹמֹ֑ה בְּאַֽהֲבַ֤ת יְהוָה֙אֶת עַמּ֔וֹ נְתָֽנְךָ֥עֲלֵיהֶ֖ם מֶֽלֶךְ׃

וַיֹּאמֶר֮חוּרָם֒בָּר֤וּךְ יְהוָה֙אֱלֹהֵ֣י יִשְׂרָאֵ֔ל אֲשֶׁ֣ר עָשָׂ֔ה אֶת הַשָּׁמַ֖יִם וְאֶת הָאָ֑רֶץ אֲשֶׁ֣ר נָתַן֩לְדָוִ֨יד הַמֶּ֜לֶךְ בֵּ֣ן חָכָ֗ם יוֹדֵ֙עַ֙שֵׂ֣כֶל וּבִינָ֔ה אֲשֶׁ֤ר יִבְנֶה בַּ֙יִת֙לַֽיהוָ֔ה וּבַ֖יִת לְמַלְכוּתֽוֹ׃

וְעַתָּ֗ה שָׁלַ֧חְתִּי אִישׁ חָכָ֛ם יוֹדֵ֥עַ בִּינָ֖ה לְחוּרָ֥ם אָבִֽי׃

בֶּן אִשָּׁ֞ה מִן בְּנ֣וֹת דָּ֗ן וְאָבִ֣יו אִישׁ צֹרִ֡י יוֹדֵ֡עַ לַֽעֲשׂ֣וֹת בַּזָּֽהָב וּ֠בַכֶּסֶף בַּנְּחֹ֨שֶׁת בַּבַּרְזֶ֜ל בָּֽאֲבָנִ֣ים וּבָֽעֵצִ֗ים בָּֽאַרְגָּמָ֤ן בַּתְּכֵ֙לֶת֙וּבַבּ֣וּץ וּבַכַּרְמִ֔יל וּלְפַתֵּ֙חַ֙כָּל פִּתּ֔וּחַ וְלַחְשֹׁ֖ב כָּל מַֽחֲשָׁ֑בֶת אֲשֶׁ֤ר יִנָּֽתֶן לוֹ֙עִם חֲכָמֶ֔יךָ וְֽחַכְמֵ֔י אֲדֹנִ֖י דָּוִ֥יד אָבִֽיךָ׃

וְ֠עַתָּה הַֽחִטִּ֨ים וְהַשְּׂעֹרִ֜ים הַשֶּׁ֤מֶן וְהַיַּ֙יִן֙אֲשֶׁ֣ר אָמַ֣ר אֲדֹנִ֔י יִשְׁלַ֖ח לַֽעֲבָדָֽיו׃

וַֽ֠אֲנַחְנוּ נִכְרֹ֨ת עֵצִ֤ים מִן הַלְּבָנוֹן֙כְּכָל צָרְכֶּ֔ךָ וּנְבִיאֵ֥ם לְךָ֛רַפְסֹד֖וֹת עַל יָ֣ם יָפ֑וֹ וְאַתָּ֛ה תַּֽעֲלֶ֥ה אֹתָ֖ם יְרֽוּשָׁלִָֽם׃

וַיִּסְפֹּ֣ר שְׁלֹמֹ֗ה כָּל הָֽאֲנָשִׁ֤ים הַגֵּירִים֙אֲשֶׁר֙בְּאֶ֣רֶץ יִשְׂרָאֵ֔ל אַֽחֲרֵ֣י הַסְּפָ֔ר אֲשֶׁ֥ר סְפָרָ֖ם דָּוִ֣יד אָבִ֑יו וַיִּמָּֽצְא֗וּ מֵאָ֤ה וַֽחֲמִשִּׁים֙אֶ֔לֶף וּשְׁלֹ֥שֶׁת אֲלָפִ֖ים וְשֵׁ֥שׁ מֵאֽוֹת׃

וַיַּ֨עַשׂ מֵהֶ֜ם שִׁבְעִ֥ים אֶ֙לֶף֙סַבָּ֔ל וּשְׁמֹנִ֥ים אֶ֖לֶף חֹצֵ֣ב בָּהָ֑ר וּשְׁלֹ֤שֶׁת אֲלָפִים֙וְשֵׁ֣שׁ מֵא֔וֹת מְנַצְּחִ֖ים לְהַֽעֲבִ֥יד אֶת הָעָֽם׃